నేను పూవునైన నాడు నీవు తావివైన చాలు
నీవు జీవితానివి నీవు నాకు ఉన్న చాలు...
నేను దీపమైన నాడు నీవు కాంతివైన చాలు
నీవు జీవితానివి నీవు నాకు ఉన్న చాలు...
నేను కావ్యమైన నాడు నీవు భావమైన చాలు
నీవు జీవితానివి నీవు నాకు ఉన్న చాలు...
నేను భావమైన నాడు నీవు భాష్యమైన చాలు
నీవు జీవితానివి నీవు నాకు ఉన్న చాలు...
నేను గానమైన నాడు నీవు రాగమైన చాలు
నీవు జీవితానివి నీవు నాకు ఉన్న చాలు...
నేను వేణువైన నాడు నీవు ఊపిరైన చాలు
నీవు జీవితానివి నీవు నాకు ఉన్న చాలు...
నేను చిత్రమైన నాడునీవు వర్ణమైన చాలు
నీవు జీవితానివి నీవు నాకు ఉన్న చాలు...
నేను మువ్వనైన నాడు నీవు సవ్వడైన చాలు
నీవు జీవితానివి నీవు నాకు ఉన్న చాలు...
నేను దాహమైన నాడు నీవు మేఘమైన చాలు..
నీవు జీవితానివి నీవు నాకు ఉన్న చాలు...
నేను కెరటమైన నాడు నీవు తీరమైన చాలు
నీవు జీవితానివి నీవు నాకు ఉన్న చాలు...
నేను తారకైన నాడు నీవు గగనమైన చాలు
నీవు జీవితానివి నీవు నాకు ఉన్న చాలు...
నేను స్వప్నమైన నాడు నీవు నయనమైన చాలు
నీవు జీవితానివి నీవు నాకు ఉన్న చాలు...
నేను ఆర్తినైన నాడు నీవు ఆర్ద్రతైన చాలు
నీవు జీవితానివి నీవు నాకు ఉన్న చాలు...
నేను పయనమైన నాడు నీవు గమ్యమైన చాలు
నీవు జీవితానివి నీవు నాకు ఉన్న చాలు...
నేను గమనమైననాడు నీవు ప్రెరణైన చాలు
నీవు జీవితానివి నీవు నాకు ఉన్న చాలు...
నేను హృదయమైననాడు నీవు ప్రాణమైన చాలు
నీవు జీవితానివి నీవు నాకు ఉన్న చాలు...
.. శ్రీ.
0 comments:
Post a Comment